چیٹ جی پی ٹی میں تصاویر کو جی آئی ایف بنانے کا نیا فیچر متعارف

دنیا کے مقبول ترین مصنوعی ذہانت کے چیٹ بوٹ ‘چیٹ جی پی ٹی’ میں ایک نیا اور طاقتور فیچر متعارف کرا دیا گیا ہے، جس کی مدد سے صارفین تحریری پرومپٹس یا تصاویر اپ لوڈ کرکے متحرک جی آئی ایف (GIF) تیار کر سکتے ہیں۔ اوپن اے آئی کے اس نئے امیج جنریشن ماڈل کے ذریعے ساکت تصاویر کو متحرک انداز میں ڈھالا جا سکتا ہے، جبکہ صارفین اپنے خیالات کو صرف الفاظ کے ذریعے بھی اینیمیٹڈ فارمیٹ میں تبدیل کرنے کی صلاحیت رکھتے ہیں۔ اس نئے ٹول میں پلے بیک کی رفتار کو ایڈجسٹ کرنے کی سہولت بھی دی گئی ہے، اور کمپنی کے مطابق یہ نیا ماڈل پرانے ماڈل کے مقابلے میں 50 فیصد زیادہ تیزی سے تصاویر بنانے کی صلاحیت رکھتا ہے۔ خوش آئند بات یہ ہے کہ اس فیچر کو دنیا بھر کے تمام صارفین کے لیے بلا معاوضہ (بغیر کسی ماہانہ فیس کے) فراہم کیا جا رہا ہے۔