متحدہ عرب امارات میں یکم جنوری 2027 سے نئے ٹریفک قوانین نافذ کرنے کا اعلان

متحدہ عرب امارات نے سڑکوں کی حفاظت اور حادثات کی روک تھام کے لیے یکم جنوری 2027 سے نئے جامع ٹریفک قوانین نافذ کرنے کا اعلان کر دیا ہے۔ نئے قوانین کے تحت ٹیکسی، بس، ٹرک اور ڈیلیوری ڈرائیورز سمیت پیشہ ور افراد 24 گھنٹوں کے دوران 9 گھنٹے سے زیادہ ڈرائیونگ نہیں کر سکیں گے، جبکہ نیند یا تھکن کی حالت میں گاڑی چلانے پر بھی سخت پابندی ہوگی۔ نئی پالیسی کے مطابق 4 سال یا اس سے کم عمر بچوں کے لیے گاڑی کی پچھلی نشست پر حفاظتی چائلڈ سیٹ لازمی کر دی گئی ہے۔ اس کے علاوہ لائسنس کی مدت میں بھی تبدیلیاں کی گئی ہیں جس کے تحت اماراتی و خلیجی شہریوں کے لائسنس 10 سال اور غیر ملکی رہائشیوں کے لائسنس 5 سال کے لیے جاری ہوں گے، نیز تجدید سے قبل تمام ڈرائیورز کے لیے بینائی کا نیا معیار پر مبنی ٹیسٹ پاس کرنا لازمی ہوگا۔