قانونی نوٹس کا انتظار ہے، چودھری سالک حسین کا مریم اورنگزیب کو جواب

وفاقی وزیر چودھری سالک حسین نے مسلم لیگ (ن) کی سینئر رہنما اور صوبائی وزیر مریم اورنگزیب کی جانب سے سوشل میڈیا پلیٹ فارم ‘ایکس’ (ٹویٹر) پر کی گئی پوسٹ پر شدید ردِ عمل کا اظہار کیا ہے۔

چودھری سالک حسین نے مریم اورنگزیب کو باضابطہ جواب دیتے ہوئے کہا کہ گمراہ کن دعوؤں اور بیانات کے حوالے سے قانونی نوٹس مجھے بھیجنے کے بجائے بہتر ہوگا کہ مریم اورنگزیب اپنی وزیراعلیٰ کی ترجمان کوثر کاظمی کو بھیجیں، کیونکہ مجھے تاحال کوئی قانونی نوٹس موصول نہیں ہوا ہے۔

وفاقی وزیر نے مزید کہا کہ وہ مریم اورنگزیب کی جانب سے قانونی نوٹس کے منتظر ہیں تاکہ موصول ہونے پر اس کا قانون کے مطابق اور مناسب لفظی و قانونی جواب دیا جا سکے۔