ملیحہ علی نے آئی ایم ایم اے ایف ورلڈ چیمپئن شپ کے فائنل میں جگہ بناکر تاریخ رقم کردی

پاکستانی مکسڈ مارشل آرٹس (MMA) فائٹر ملیحہ علی نے بین الاقوامی سطح پر تاریخ رقم کرتے ہوئے آئی ایم ایم اے ایف (IMMAF) ورلڈ چیمپئن شپ کے فائنل میں جگہ بنا لی ہے۔ ملیحہ علی نے سیمی فائنل کے سنسنی خیز مقابلے میں پین امریکن چیمپئن میکسیکو کی اینڈریا گیبریلا گزمین کو شکست دے کر اس عالمی ایونٹ کے فائنل میں کوالیفائی کرنے والی پہلی پاکستانی خاتون ہونے کا اعزاز حاصل کیا۔ فائنل تک کے اس تاریخی سفر کے دوران ملیحہ علی نے دنیا کی دو مضبوط ترین حریفوں کو چت کیا، جبکہ اس سے قبل وہ روس کی معروف یورپی چیمپئن کو بھی شکست دے کر اپنی برتری ثابت کر چکی ہیں۔