امریکا: گاڑی میں گھسا ریچھ اندر ہی پھنس گیا، توڑ پھوڑ مچا دی

امریکی ریاست الاسکا کے شہر جونو میں ایک کالا ریچھ رات کے وقت کھڑی گاڑی میں گھس گیا، تاہم اندر داخل ہوتے ہی گاڑی کا دروازہ خود بخود بند ہونے کے باعث ریچھ اندر ہی پھنس گیا۔ باہر نکلنے کی مسلسل کوششوں میں ریچھ نے گاڑی کی سیٹوں، ڈیش بورڈ اور اندرونی حصے کو بری طرح توڑ پھوڑ کر تباہ کر دیا۔ واقعے کی اطلاع ملتے ہی مقامی پولیس نے موقع پر پہنچ کر رسی کی مدد سے گاڑی کا دروازہ کھولا، جس کے بعد ریچھ فوری طور پر باہر نکل کر جنگل کی جانب بھاگ گیا۔ گاڑی کے مالک مائیکل ولسن کے مطابق ریچھ نے اسی رات دیگر تین گاڑیوں کے دروازے کھولنے کی کوشش بھی کی تھی، لیکن صرف ان کی گاڑی میں پھنسنے کی نوبت آئی۔ اس غیر معمولی واقعے کی ویڈیو بھی سوشل میڈیا پر تیزی سے وائرل ہو رہی ہے۔