محبوبہ کو شادی کی پیشکش کیلئے نوجوان نے خود دریا سے سونا تلاش کر لیا

امریکی ریاست کولوراڈو کے رہائشی جیک ولکانی نے اپنی محبوبہ جوآن کو شادی کی پیشکش کے لیے بازار سے زیور خریدنے کے بجائے اپنے ہاتھوں سے تلاش کیے گئے سونے سے منگنی کی انگوٹھی بنوا کر سب کو حیران کر دیا۔ جیک نے کئی ماہ تک کولوراڈو کے مختلف دریاؤں اور ندی نالوں سے محنت کر کے سونے کے ذرات تلاش کیے اور مطلوبہ مقدار جمع ہونے پر اسے مقامی سنار کے سپرد کیا، جس نے اسے پگھلا کر ایک دلکش انگوٹھی میں ڈھال دیا۔ ہائیکنگ کے دوران جب جیک نے جوآن کو سونا جمع کرنے کی پوری ویڈیو دکھا کر انگوٹھی پیش کی تو وہ جذباتی ہو کر رو پڑیں۔ جیک کے اس منفرد اقدام نے منگنی کے اس موقع کو محض ایک رسم کی بجائے محبت، محنت اور خلوص کا یادگار نمونہ بنا دیا ہے۔