’دی راک‘ کے نئے لک کے پیچھے کیا راز ہے؟ اداکار کی حالت دیکھ کر مداح حیران

ہالی ووڈ کے معروف اداکار ڈوین جانسن المعروف ’دی راک‘ اپنی نئی فلم ’لزرڈ میوزک‘ کی شوٹنگ کے دوران ایک بالکل نئے اور حیران کن روپ میں نظر آئے ہیں، جہاں انہیں پہچاننا بھی مشکل ہو گیا۔ نیویارک کے علاقے بروکلین میں شوٹنگ کے موقع پر 54 سالہ اداکار سفید بالوں، سرمئی داڑھی، چہرے پر بڑھاپے کے نقوش اور گھٹے ہوئے وزن کے ساتھ ایک عمر رسیدہ شخص کے انداز میں دکھائی دیے۔ بینی سفدی کی ہدایت کاری میں بننے والی اس فلم میں وہ 70 سال سے زائد عمر کے کردار ’دی چکن مین‘ کا رول نبھا رہے ہیں، جبکہ فلم میں ان کے ساتھ ریچل میک ایڈمز اور ایلیسیا سلورسٹون جیسے نامور اداکار بھی شامل ہیں۔ توقع ہے کہ یہ فلم 25 دسمبر 2027 کو سینما گھروں کی زینت بنے گی۔