جاپان کا مریخ کے چاند سے نمونے زمین پر لانے کا مشن، زندگی کے راز کھلنے کی امید

جاپان کے خلائی تحقیقی ادارے (JAXA) نے مریخ کے چاند ‘فوبوس’ سے مٹی اور چٹانوں کے نمونے زمین پر لانے کے لیے بغیر انسانوں پر مشتمل ‘مارشین مونز ایکسپلوریشن’ (MMX) مشن کی تیاری مکمل کر لی ہے۔ امریکہ، فرانس، جرمنی اور یورپی خلائی اداروں کے تعاون سے تیار کردہ یہ خلائی جہاز جاپانی ایچ 3 راکٹ کے ذریعے تانے گاشیما سپیس سینٹر سے روانہ کیا جائے گا، جو ایک سالہ سفر کے بعد فوبوس پر پہنچ کر سطح سے کم از کم 10 گرام نمونے جمع کرے گا۔ مشن کے سربراہ یاسوہیرو کاواکاتسو کے مطابق فوبوس سے نمونے لانے کی یہ دنیا میں پہلی کوشش ہو گی، جس سے مریخ کے چاندوں کے وجود میں آنے، نظامِ شمسی کی تشکیل، زمین پر پانی و نامیاتی مرکبات کی آمد اور مستقبل میں انسانی مریخی سفر کی راہ ہموار کرنے سے متعلق اہم سائنسی راز افشا ہونے کی امید ہے۔