نجران میں ہیلی کاپٹر گر کر تباہ، سعودی اتحادی فوج کے 2 ارکان جاں بحق

سعودی عرب کے جنوبی علاقے نجران میں اے ایچ-6 آئی ہیلی کاپٹر تکنیکی خرابی کے باعث گر کر تباہ ہو گیا، جس کے نتیجے میں سعودی اتحاد فورس کے دو ارکان جاں بحق ہو گئے۔ سعودی فوجی اتحاد کے ترجمان میجر جنرل ترکی المالکی نے حادثے میں عملے کی شہادت کی تصدیق کرتے ہوئے اسے تکنیکی خرابی کا نتیجہ قرار دیا ہے، جبکہ دوسری جانب حوثی ترجمان نے دعویٰ کیا ہے کہ ان کی فورسز نے سرحد کے قریب ہیلی کاپٹر کو نشانہ بنایا۔ یہ واقعہ ایسے وقت میں پیش آیا ہے جب خطے میں حوثیوں کے میزائل اور ڈرون حملوں میں اضافہ دیکھا جا رہا ہے، اور تین روز قبل ہی سعودی فضائی دفاعی نظام نے مدینہ کی طرف داغے جانے والے ایک کروز میزائل کو فضا میں ناکارہ بنایا تھا۔