واٹس ایپ اکاؤنٹ کے بغیر بھی اب دوستوں کی کالز کا حصہ بننا ممکن

مقبول میسجنگ پلیٹ فارم واٹس ایپ نے اپنے صارفین کے لیے ایک نیا اور انقلابی فیچر متعارف کرایا ہے، جس کے تحت اب وہ افراد بھی واٹس ایپ کال کا حصہ بن سکیں گے جن کا واٹس ایپ پر اکاؤنٹ موجود نہیں ہے۔ کمپنی کی بلاگ پوسٹ کے مطابق صارفین واٹس ایپ کے ’کالز ٹیب‘ سے ایک لنک تیار کر کے کسی بھی شخص کے ساتھ شیئر کر سکتے ہیں، جسے موصول کرنے والا اپنے کمپیوٹر کے ویب براؤزر پر کھول کر کال میں شرکت کر سکے گا۔ اس سہولت کے تحت انفرادی اور گروپ (بیک وقت 32 افراد) کالز بالکل مفت اور بغیر کسی وقت کی پابندی کے کی جا سکیں گی۔ واٹس ایپ کے مطابق ان کالز کو بھی مکمل ’اینڈ ٹو اینڈ انکرپشن‘ کا تحفظ حاصل ہو گا اور مستقبل میں اس فیچر کو گوگل کیلنڈر اور مائیکروسافٹ آؤٹ لک کے ساتھ بھی جوڑا جائے گا۔