خیبر پختونخوا کی معدنیات عوام کی ہیں اور رہیں گی: طارق فضل چودھری

وفاقی وزیر پارلیمانی امور طارق فضل چودھری نے کہا ہے کہ خیبر پختونخوا کی معدنیات پر عوام کا حق ہے اور رہے گا، جبکہ صوبے میں ایمرجنسی کے نفاذ کا بنیادی مقصد صرف دہشت گردی کا خاتمہ اور امن و امان بحال کرنا ہے۔ اسلام آباد میں میڈیا سے گفتگو کرتے ہوئے انہوں نے بتایا کہ صوبے کے 12 متاثرہ اضلاع میں انٹیلی جنس بیسڈ آپریشنز تیز کیے جا رہے ہیں، تاہم وہاں سے آبادی کی کوئی نقل مکانی نہیں ہوگی۔ وفاقی وزیر نے ایمرجنسی کو معدنیات سے جوڑنے کی مذمت کرتے ہوئے معدنیات کے لائسنسز کی شفاف تحقیقات کا اعلان کیا۔ انہوں نے دعویٰ کیا کہ محمود خان اچکزئی کے معاملے پر اپوزیشن خود تقسیم ہے، جبکہ حکومت اپوزیشن سے سنجیدہ اور بامقصد مذاکرات کے لیے ہمیشہ تیار ہے۔