امریکا شرائط مانے تو چھٹے روز آبنائے ہرمز کھلے گا، ساتویں روز مذاکرات ہونگے: ایران

ایرانی وزیرِ خارجہ عباس عراقچی نے کہا ہے کہ امریکہ کے سامنے رکھی گئی ایران کی سات روزہ تجاویز اب بھی برقرار ہیں اور امریکی شرائط تسلیم کرنے کی صورت میں چھٹے روز آبنائے ہرمز کی ناکہ بندی ختم کر کے ساتویں روز باقاعدہ مذاکرات کا آغاز کر دیا جائے گا۔ بغداد میں اسلامی تعاون تنظیم (OIC) کے 52 ویں وزرائے خارجہ اجلاس کے موقع پر میڈیا سے گفتگو کرتے ہوئے ان کا کہنا تھا کہ ایران کسی بھی دھمکی کے سامنے نہیں جھکے گا اور اپنے دفاع کے لیے مکمل تیار ہے۔ انہوں نے یمن کے معاملے پر او آئی سی اجلاس میں منصفانہ قرارداد اپنانے پر زور دیتے ہوئے کہا کہ خطے میں عدم استحکام کی اصل وجہ اسرائیلی قبضہ اور توسیع پسندانہ پالیسیاں ہیں۔ دورے کے دوران عباس عراقچی نے عراقی وزیراعظم علی الزیدی سے بھی ملاقات کی جس میں یمن کی بحری ناکہ بندی کے خاتمے اور علاقائی کشیدگی کم کرنے پر تبادلہ خیال کیا گیا۔