پنجاب میں لیب ٹاپ اور اسکالرشپ سکیم فیز ٹو کا آغاز کر دیا: عظمیٰ بخاری

پنجاب کی وزیر اطلاعات عظمیٰ بخاری نے کہا ہے کہ وزیراعلیٰ مریم نواز نے پنجاب میں طلبہ کے لیے لیپ ٹاپ اور سکالرشپ سکیم کے دوسرے مرحلے کا باقاعدہ آغاز کر دیا ہے، کیونکہ قوم کے بچوں کا مستقبل جدید ٹیکنالوجی، مصنوعی ذہانت (AI) اور ہنر سے وابستہ ہے، دھرنوں اور لانگ مارچ سے نہیں۔ اپنے بیان میں انہوں نے کہا کہ مریم نواز صوبے کے نوجوانوں کی تعلیمی ضروریات کا خیال رکھ رہی ہیں جس کی وجہ سے ان کی مقبولیت اور عملی کارکردگی کی عالمی سطح پر پذیرائی ہو رہی ہے۔ عظمیٰ بخاری نے خیبرپختونخوا میں ممکنہ ایمرجنسی اور بدامنی کا ذمہ دار پی ٹی آئی کی پالیسیوں کو قرار دیتے ہوئے واضح کیا کہ سیکیورٹی اداروں کے خلاف منفی پروپیگنڈا فورسز کا حوصلہ پست کرنے کی کوشش ہے، جبکہ پوری قوم دہشت گردی کے خلاف پاک فوج کے ساتھ کھڑی ہے۔