بی بی ایل میں شامل پاکستانی کھلاڑی پورا سیزن کھیلیں گے: ٹوڈ گرین برگ

کرکٹ آسٹریلیا کے سی ای او ٹوڈ گرین برگ نے بی بی ایل میں شامل پاکستانی کھلاڑیوں اور دورۂ پاکستان پر بات چیت کرتے ہوئے کہا ہے کہ ہمیں بتایا گیا ہے کہ بی بی ایل میں جن کھلاڑیوں کے معاہدے ہوئے ہیں وہ پورا سیزن کھیلیں گے۔

انہوں نے کہا ہے کہ ٹی 20 سیریز کے لیے پاکستان کا دورہ شیڈول کے مطابق ہوگا، ٹی 20 سیریز کی تاریخوں کا اعلان ہونا ہے، دورۂ پاکستان کے حوالے سے ایشیز سیریز کے بعد کھلاڑیوں سے بات کریں گے۔ٹوڈ گرین برگ نے مزید کہا ہے کہ کھلاڑیوں کو سکیورٹی کے حوالے سے تمام معاملات سے آگاہ کریں گے، 2022 میں کھلاڑیوں کے ساتھ پاکستان جا چکا ہوں اور یہ بڑا اچھا تجربہ تھا۔واضح رہے کہ دورۂ سری لنکا کی وجہ سے پاکستان ٹیم کے کھلاڑیوں کا بی بی ایل کا پورا سیزن نہ کھیلنے کا خدشہ تھا، پاکستان نے جنوری میں سری لنکا کا دورہ کرنا ہے۔