یومِ دفاع و شہداء، شوبز شخصیات بھی وطن سے محبت، قومی یکجہتی کے جذبے سے سرشار

یومِ دفاع و شہداء کے موقع پر پاکستان شوبز انڈسٹری سے تعلق رکھنے والے معروف اداکاروں اور ہدایت کاروں نے سرحدوں کے محافظوں، غازیوں اور شہداء کی لازوال شجاعت کو زبردست خراجِ تحسین پیش کیا ہے۔ شوبز شخصیات نے اپنے پیغام میں وطن سے محبت اور قومی یکجہتی کی اہمیت پر زور دیتے ہوئے کہا کہ پاکستانی قوم نے ہر مشکل وقت میں ثابت قدمی کا مظاہرہ کیا ہے اور روشن مستقبل کی جانب گامزن ہے۔ فنکاروں کا کہنا تھا کہ ہر شہری کا غیر متزلزل عزم دھرتی کی ترقی کو اپنی ترقی قرار دیتا ہے اور کسی بھی بیرونی سازش کے خلاف پوری قوم سیسہ پلائی ہوئی دیوار کی مانند متحد ہے۔ انہوں نے اس تاریخی دن کو مادرِ وطن کے لیے جانیں نثار کرنے والے عظیم سپوتوں کی یاد تازہ کرنے اور قومی اتحاد کی تجدید کا اہم ترین ذریعہ قرار دیا۔