وزیر خزانہ اور آئی ایم ایف کے وفد کی ملاقات، معاشی استحکام، اصلاحات پر تبادلہ خیال

وفاقی وزیرِ خزانہ سینیٹر محمد اورنگزیب سے ورلڈ بینک کے اعلیٰ سطحی وفد نے ملاقات کی، جس میں معاشی استحکام، ساختی اصلاحات اور سرمایہ کاری پر مبنی پائیدار ترقی کے امور پر تفصیلی تبادلۂ خیال کیا گیا۔ ملاقات کے بعد جاری کردہ اعلامیے کے مطابق ورلڈ بینک کے نمائندے سندیپ مہاجن نے پاکستان میں معاشی استحکام کی بحالی اور علاقائی بحران سے مؤثر انداز میں نمٹنے پر حکومت کی پالیسیوں کی تعریف کی۔ وزیرِ خزانہ نے بتایا کہ پاکستان نے 3 ارب ڈالر کے یورو بانڈز جاری کر کے عالمی سرمایہ منڈیوں تک دوبارہ رسائی حاصل کر لی ہے، اور حکومت کی ترجیح موجودہ معاشی استحکام کو سرمایہ کاری اور برآمدات پر مبنی پائیدار ترقی میں تبدیل کرنا ہے۔ ملاقات میں نجکاری، ضابطہ جاتی اصلاحات اور انفراسٹرکچر کے منصوبوں میں سرمایہ کاری بڑھانے پر اتفاق کیا گیا جبکہ دونوں جانبین نے پائیدار معاشی اصلاحات اور روزگار کے مواقع کے لیے باہمی تعاون جاری رکھنے کے عزم کا اعادہ کیا۔