پنجاب اسمبلی اجلاس 26 اکتوبر کو طلب کرنے کی تیاری، اہم بلز اور آرڈیننس پیش ہونے کا امکان

حکومتِ پنجاب نے صوبائی اسمبلی کا اجلاس 26 اکتوبر بروز پیر دوپہر 2 بجے طلب کرنے کے لیے باضابطہ سمری گورنر پنجاب کو ارسال کر دی ہے۔ ذرائع کے مطابق گورنر پنجاب کی جانب سے سمری کی منظوری ملتے ہی پنجاب اسمبلی سیکرٹریٹ کی طرف سے اجلاس کے انعقاد کا نوٹیفکیشن جاری کر دیا جائے گا۔ آئندہ اجلاس کے دوران اہم قانون سازی کے تحت کئی اہم بلز کی منظوری حاصل کی جائے گی جبکہ چند نئے آرڈیننس بھی ایوان میں پیش کیے جانے کا قوی امکان ہے۔ گورنر کی منظوری کے بعد اسمبلی سیکرٹریٹ اجلاس کا تفصیلی ایجنڈا اور شیڈول جاری کرے گا۔