امریکی سفارتخانے کے زیرِ اہتمام پہلی ’شاہکار فنکار‘ ایلومنائی آرٹسٹ نمائش کا افتتاح، مینا ہارون کے فن پارے پیش

امریکی سفارتخانے، یونائیٹڈ اسٹیٹس ایجوکیشنل فاؤنڈیشن ان پاکستان (یو ایس ای ایف پی) اور پاکستان یو ایس ایلومنائی نیٹ ورک کے زیر اہتمام اسلام آباد میں نئی قائم شدہ گیلری میں پہلی “شاہکار فنکار” ایلومنائی آرٹسٹ نمائش کا باقاعدہ افتتاح کر دیا گیا ہے۔ نمائش میں لاہور سے تعلق رکھنے والی ویژوئل آرٹسٹ اور کلچرل پریزرویشن ایکسچینج پروگرام کی سابق شریک مینا ہارون کے فن پارے پیش کیے گئے ہیں، جنہوں نے وراثت میں ملنے والے زیورات اور آرائشی اشیاء کو خاندانی تسلسل اور شناخت کی علامت کے طور پر ڈھالا ہے۔ افتتاحی تقریب میں امریکی سفارتخانے کی ڈائریکٹر پبلک انگیجمنٹ ہائیڈی اسمتھ سمیت سفارتی و فنکارانہ حلقوں نے شرکت کی، جبکہ ہائیڈی اسمتھ نے پاک امریکہ ثقافتی و تعلیمی روابط کے نکھار کا اعتراف کرتے ہوئے مینا ہارون کو تعریفی سند پیش کی۔ یہ نمائش 20 نومبر تک شائقینِ فن کے لیے جاری رہے گی۔