جسٹس کیلی نے مس یو ایس اے کا تاج سر پر سجا لیا

امریکا میں منعقدہ ’مس یو ایس اے 2026ء‘ کا تاج 31 سالہ جسٹس کیلی نے اپنے نام کر کے ایک نئی تاریخ رقم کر دی ہے۔ وہ اس مقابلے کی تاریخ میں اعزاز حاصل کرنے والی پہلی شادی شدہ اور بچوں کی ماں ہونے کے ساتھ ساتھ سب سے عمر رسیدہ فاتح بھی ہیں۔ جمعے کو ٹیلی ویژن پر نشر ہونے والی پروقار تقریب کے دوران گزشتہ برس کی مس یو ایس اے آڈری ایکرٹ نے انہیں تاج پہنایا۔ واضح رہے کہ مس یو ایس اے کے سابقہ قوانین کے تحت شادی شدہ، بچوں کی حامل اور 28 سال سے زائد عمر کی خواتین کو مقابلے میں شرکت کی اجازت نہیں تھی، تاہم قواعد میں حالیہ تبدیلیوں کے بعد جسٹس کیلی نے یہ منفرد اعزاز اپنے نام کیا۔