ٹی 20 کپتانی سے ہٹانے پر ناراض نہیں مایوس ضرور ہوں، سوریا کمار یادیو

بھارت کے سابق ٹی 20 کپتان سوریا کمار یادیو نے آئی سی سی ٹی 20 ورلڈ کپ کی فتح کے بعد ٹیم سے باہر کیے جانے اور کپتانی سے ہٹائے جانے پر اپنی خاموشی توڑ دی ہے۔ فارم میں ناکامی کا شکار رہنے کے بعد ان کی جگہ شریاس ایئر کو نیا کپتان مقرر کیا گیا تھا، تاہم بھارت کو اس تبدیلی کے بعد آئرلینڈ اور انگلینڈ کے خلاف پے در پے سیریز میں شکست کا سامنا کرنا پڑا۔ ایک یوٹیوب انٹرویو کے دوران سوریا کمار نے انکشاف کیا کہ فیصلے سے صرف تین دن پہلے سلیکٹرز نے انہیں آئی پی ایل کی خراب کارکردگی کا حوالہ دے کر آگاہ کیا، جس پر انہیں شدید مایوسی ہوئی۔ انہوں نے سوال اٹھایا کہ دو سال تک کوئی سیریز نہ ہارنے، ایشیا کپ اور ورلڈ کپ جیتنے کے باوجود اچانک تبدیلی کی کیا ضرورت تھی، کیونکہ وہ خود کو اگلے دو سال تک اولمپکس اور اگلے ورلڈ کپ کے لیے تیار سمجھ رہے تھے۔