فاطمہ ثنا کا ویمنز ایشیا کپ میں اچھی کرکٹ کھیلنے کا عزم

پاکستان قومی ویمن کرکٹ ٹیم کی کپتان فاطمہ ثنا نے ویمنز ایشیا کپ کے لیے مکمل اعتماد کا اظہار کرتے ہوئے کہا ہے کہ یہ ایونٹ ٹیم کے لیے ایک نیا موقع ہے اور ان کی بھرپور کوشش ہوگی کہ ایونٹ میں بہترین کرکٹ کا مظاہرہ کریں۔ دبئی میں میڈیا سے گفتگو کرتے ہوئے ان کا کہنا تھا کہ قومی کھلاڑی کافی عرصے سے یہاں کھیل رہی ہیں جس کی وجہ سے وہ مقامی حالات اور کنڈیشنز سے اچھی طرح واقف ہیں۔ کپتان کے مطابق تربیتی کیمپ میں مختلف شعبوں پر محنت کی گئی ہے اور ٹیم کی تیاریاں انتہائی تسلی بخش ہیں۔ انہوں نے مزید کہا کہ دبئی کی پچز اسپنرز کے لیے کارآمد ہیں اور پاکستان کی اسپن بولنگ لائن اپ بہترین فارم میں ہے جس کا پورا فائدہ اٹھایا جائے گا۔ فاطمہ ثنا نے مداحوں سے اپیل کی کہ وہ سٹیڈیم آ کر قومی ٹیم کی حوصلہ افزائ