پاکستانی ویمن سائیکلسٹ جاپان میں ملک کی نمائندگی کریں گی

پاکستان کی معروف ماسٹر سائیکلسٹ رابعہ غریب جاپان کے شہر نیسیکو میں منعقد ہونے والی عالمی سطح کی “یو سی آئی گراں فونڈو ورلڈ چیمپئن شپ 2026” میں پاکستان کی نمائندگی کر رہی ہیں۔ یہ عالمی ایونٹ 26 سے 30 اگست تک جاری رہے گا، جس میں دنیا بھر سے بہترین سائیکلسٹس حصہ لے رہے ہیں۔ رابعہ غریب کو حال ہی میں ایشین روڈ سائیکلنگ چیمپئن شپ میں دکھائی گئی شاندار کارکردگی اور بہترین ریکارڈ کی بنیاد پر اس باوقار عالمی مقابلے میں کوالیفائی اور شرکت کا موقع ملا ہے۔ اس موقع پر پاکستان سائیکلنگ فیڈریشن نے رابعہ غریب کی اس کامیابی کو سراہتے ہوئے عالمی اسٹیج پر ملک کا نام روشن کرنے اور ان کی شاندار فتح کے لیے نیک خواہشات کا اظہار کیا ہے۔