برطانوی اوپن میں پاکستان رائفل ٹیم کی شاندار کارکردگی، 12 شوٹرز نے 13 میڈلز جیت لیے

برطانوی اوپن 2026 میں پاکستان لانگ رینج رائفل ٹیم نے غیر معمولی کارکردگی کا مظاہرہ کرتے ہوئے 7 گولڈ، 2 سلور اور 4 کانسی کے تمغوں سمیت مجموعی طور پر 13 میڈلز حاصل کر لیے ہیں۔ اس عالمی ایونٹ میں 24 ممالک کے 185 کے قریب شوٹرز نے شرکت کی، جہاں محدود ترین دستے کے ساتھ میدان میں اترنے والی پاکستانی ٹیم کے کھلاڑیوں نے تاریخ رقم کر دی۔ پاکستان کے شوٹر حذیفہ گل نے شاندار کھیل کا مظاہرہ کرتے ہوئے 4 گولڈ، 2 سلور اور ایک کانسی کا تمغہ جیتا، جبکہ احسن گل نے 1000 گز انڈر 25 اور ایگریگیٹ مقابلے میں 2 گولڈ میڈلز حاصل کیے۔ علاوہ ازیں محمد ولید نے 1000 گز کے مقابلے میں گولڈ اور ایف ٹی آر ایگریگیٹ میں کانسی کا تمغہ اپنے نام کیا۔ پاکستان لانگ رینج رائفل ایسوسی ایشن کے مطابق برطانیہ میں 10 سے 16 اگست تک جاری رہنے والی 7ویں ایف کلاس ورلڈ چیمپئن شپ سے قبل اس بڑی کامیابی نے پاکستانی شوٹرز کے حوصلے مزید بلند کر دیے ہیں