اولمپک گولڈ میڈلسٹ ارشد ندیم کا ڈائمنڈ لیگ میں حصہ نہ لینے کا فیصلہ

اولمپک گولڈ میڈلسٹ جیولین تھرور ارشد ندیم نے بیرونِ ملک ٹریننگ کی مصروفیات کے باعث رواں ماہ ہونے والی لوزین ڈائمنڈ لیگ میں شرکت نہ کرنے کا فیصلہ کیا ہے۔ ذرائع کے مطابق، کامن ویلتھ گیمز میں شاندار کارکردگی کے بعد انہوں نے مقابلوں کی بجائے جنوبی افریقہ میں دو ہفتے کی سخت ٹریننگ کو ترجیح دی ہے۔ اگرچہ 21 اگست کی ڈائمنڈ لیگ کے لیے ان کا نام انٹری لسٹ میں شامل تھا، تاہم وہ ویزہ ملتے ہی پوچفسٹروم، جنوبی افریقہ کے لیے روانہ ہوں گے جہاں ٹریننگ کے بعد وہ 6 سے 14 ستمبر تک بڈاپسٹ میں منعقد ہونے والی ‘ورلڈ ایتھلیٹکس الٹی میٹ چیمپئن شپ’ اور اس کے بعد ایشین گیمز میں شرکت کریں گے۔ فی الوقت ارشد ندیم پنجاب اسٹیڈیم لاہور میں اپنی ٹریننگ جاری رکھے ہوئے ہیں۔