کور کمانڈر بلوچستان کا پنجگور کا دورہ، مختلف ترقیاتی منصوبوں کا افتتاح

کور کمانڈر بلوچستان نے ضلع پنجگور کا دورہ کیا، جہاں انہوں نے پاک فوج کے تعاون سے مکمل ہونے والے مختلف فلاحی و ترقیاتی منصوبوں کا افتتاح کیا۔ انہوں نے بی ایس ڈی آئی پروگرام کے تحت قائم کردہ ’جناح آئی ٹی حب‘ کا افتتاح کیا، جس میں 50 جدید کمپیوٹرز، ڈیجیٹل لائبریری اور سولر سسٹم کا انتظام کیا گیا ہے۔ علاوہ ازیں، یونیورسٹی آف مکران میں ’سر سید احمد خان لاؤنج‘ اور 120 نشستوں کی گنجائش والے نوآراستہ ’علامہ اقبال آڈیٹوریم‘ کا بھی افتتاح کیا گیا۔ دورے کے دوران کور کمانڈر نے مقامی شہریوں سے ملاقات کر کے ان کے مسائل اور سوالات سنے، جبکہ پنجگور کے عوام نے ان منصوبوں کو بلوچستان کی ترقی و خوشحالی کی جانب اہم قدم قرار دیتے ہوئے پاک فوج کا شکریہ ادا کیا۔