ورلڈکپ 2027 میں براہ راست رسائی حاصل کرنے والی 10 ٹیمیں فائنل

آئی سی سی مینز ون ڈے ورلڈ کپ 2027 گزشتہ دو ایڈیشنز کے مقابلے میں مزید توسیع کے ساتھ 14 ٹیموں کے درمیان کھیلا جائے گا۔ ٹورنامنٹ کی میزبانی کے ناتے جنوبی افریقا اور زمبابوے کو براہ راست انٹری مل چکی ہے، جبکہ 30 ستمبر کی آئی سی سی رینکنگ کٹ آف ڈیٹ کے مطابق ٹاپ 8 ٹیمیں بھی براہ راست کوالیفائی کریں گی۔ افغانستان کی جانب سے آئرلینڈ کے خلاف کامیابی کے بعد دفاعی چیمپئن آسٹریلیا، بھارت، پاکستان، نیوزی لینڈ، سری لنکا، انگلینڈ اور بنگلادیش کے ساتھ ان کی بھی ٹاپ 8 میں جگہ تقریباً یقینی ہو گئی ہے۔ دوسری جانب دو بار کی عالمی چیمپئن ویسٹ انڈیز کٹ آف تاریخ سے قبل ٹاپ 8 میں جگہ بنانے میں ناکام رہی ہے اور اسے فروری 2027 میں شیڈول 10 ٹیموں پر مشتمل کوالیفائر میچز کھیل کر آخری 4 دستیاب جگہوں کے لیے پیش قدمی کرنا ہوگی۔