چیمپئنز ون ڈے کپ: پاکستان بلیوز نے گولڈ کو 6 وکٹوں سے شکست دے دی

چیمپئنز ون ڈے کپ کے اہم مقابلے میں پاکستان بلیوز نے بہترین کارکردگی کا مظاہرہ کرتے ہوئے پاکستان گولڈ کو 6 وکٹوں سے شکست دے دی ہے۔ پاکستان بلیوز نے پاکستان گولڈ کی جانب سے ملا 213 رنز کا ہدف 42ویں اوور میں محض 4 وکٹوں کے نقصان پر باآسانی حاصل کر لیا۔

پاکستان بلیوز کی اس فتح میں اوپننگ بیٹر صاحبزادہ فرحان نے کلیدی کردار ادا کیا۔ انہوں نے ذمے دارانہ بیٹنگ کرتے ہوئے 102 گیندوں پر 100 رنز کی شاندار سنچری اننگز کھیلی۔ ان کے علاوہ طیب طاہر نے 35 اور محمد فائق نے 30 رنز بنا کر فتح کو مزید آسان بنایا۔

اس سے قبل پہلے بیٹنگ کرتے ہوئے پاکستان گولڈ کی پوری ٹیم 212 رنز بنا کر آل آؤٹ ہو گئی۔ پاکستان گولڈ کی جانب سے کامران غلام 63 رنز کے ساتھ نمایاں رہے، جبکہ شمیل حسین نے 50 اور حیدر علی نے 44 رنز کی اننگز کھیلی۔ پاکستان بلیوز کے بولرز نے شاندار کارکردگی دکھائی، بالخصوص فاسٹ بولر حسن علی اور اسپنر سفیان مقیم نے بہترین بولنگ کرتے ہوئے 4،4 کھلاڑیوں کو آؤٹ کیا۔