ویمنز ایشیا کپ کی تیاریوں کیلئے قومی ٹیم کا کیمپ آئندہ ہفتے شروع ہوگا

ویمنز ایشیا کپ 2026 کی تیاریوں کے سلسل میں پاکستان ویمن کرکٹ ٹیم کا تربیتی کیمپ آئندہ ہفتے سے شروع ہو رہا ہے۔

ذرائع کے مطابق قومی ویمن ٹی ٹوئنٹی اسکواڈ 16 اگست سے باقاعدہ ٹریننگ کا آغاز کرے گا، جبکہ اس تربیتی کیمپ کے انعقاد کے لیے لاہور کے وینیو کو سرفہرست آپشن کے طور پر دیکھا جا رہا ہے۔

ذرائع کا مزید کہنا ہے کہ ایشیا کپ کے لیے پاکستان کے ٹی ٹوئنٹی اسکواڈ میں کسی بڑے رد و بدل کا امکان نہیں ہے اور زیادہ تر موجودہ کھلاڑیوں کو ہی برقرار رکھا جائے گا۔ تاہم، اسکواڈ میں باقاعدہ کپتان فاطمہ ثنا کی واپسی ہوگی، جو دی ہنڈریڈ (The Hundred) لیگ میں مصروفیت کے باعث سری لنکا کے خلاف حالیہ سیریز کا حصہ نہیں بن سکی تھیں۔

واضح رہے کہ ویمنز ایشیا کپ 28 اگست سے 13 ستمبر تک دبئی میں کھیلا جائے گا، جس کے لیے قومی کھلاڑی اپنی تیاریوں کو حتمی شکل دیں گے۔