اسپیکر قومی اسمبلی نے زیرِ تحویل اراکین ثناء اللہ مستی خیل اور داور کنڈی کے پروڈکشن آرڈر جاری کر دیے

اسپیکر قومی اسمبلی سردار ایاز صادق نے پنجاب پولیس کے زیرِ تحویل اراکینِ قومی اسمبلی ثناء اللہ خان مستی خیل اور داور خان کنڈی کے پروڈکشن آرڈر جاری کر دیے ہیں۔ قومی اسمبلی سیکرٹریٹ کے مطابق اسپیکر نے یہ اقدام قومی اسمبلی کے قواعد و ضوابط اور طریقِ کار 2007ء کے قاعدہ 108 کے تحت حاصل اختیارات کو استعمال کرتے ہوئے اٹھایا ہے، تاکہ دونوں اراکینِ اسمبلی جاری ایوان کے اہم اجلاس میں شرکت کر سکیں। ڈائریکٹوریٹ جنرل آف میڈیا کی جانب سے جاری کردہ پریس ریلیز کے مطابق پروڈکشن آرڈر کی کاپیاں سیکرٹری وزارتِ داخلہ، چیف سیکرٹری پنجاب، ایڈیشنل ہوم سیکرٹری، چیف کمشنر اسلام آباد، آئی جی پولیس اسلام آباد اور سارجنٹ ایٹ آرمز کو ارسال کر دی گئی ہیں تاکہ دونوں اراکین کو اجلاس میں پیش کیا جا سکے۔