اداکارہ رشمیکا مندانا نے اپنی صحت سے متعلق مداحوں کو آگاہ کردیا

اپنی آنے والی فلم کی شوٹنگ کے دوران زخمی ہونے والی معروف بھارتی اداکارہ رشمیکا مندانا نے سوشل میڈیا سے مختصر غیر حاضری کے بعد مداحوں کو اپنی صحت کی تازہ صورتحال سے آگاہ کر دیا ہے۔ انسٹاگرام پر اپنی بحالی کے ایام کی تصاویر شیئر کرتے ہوئے انہوں نے بتایا کہ ان کے دائیں کولہے اور ٹانگ کو جوڑنے والا پٹھا الگ ہو گیا ہے جسے دوبارہ جڑنے میں وقت لگے گا۔ انہوں نے مسکراتے ہوئے لکھا کہ یہ پچھلے کچھ عرصے میں ان کی مسلسل تیسری چوٹ ہے اور اب انہیں اپنے جسم کو مشین سمجھنے کے بجائے انسانوں جیسا سلوک کرنا سیکھنا ہوگا۔ اداکارہ نے مزاحیہ انداز میں اسے ‘مجبوراً دی گئی چھٹیاں’ قرار دیا اور اعتراف کیا کہ ورک آؤٹ نہ کرنے کی وجہ سے وہ میٹھا زیادہ کھا رہی ہیں جس سے انہیں وزن بڑھنے کا ڈر ہے۔