افغان طالبان ٹی ٹی پی، بی ایل اے اور ان سے وابستہ گروہوں کی معاونت ختم کریں: پاکستان

پاکستان کی وزارتِ اطلاعات و نشریات نے افغان طالبان کے بیانات کو مسترد کرتے ہوئے ان سے ٹی ٹی پی، بی ایل اے اور دیگر کالعدم گروہوں کی ہر قسم کی سہولت کاری اور پناہ گاہوں کا خاتمہ کرنے کا مطالبات کیا ہے۔ ترجمان کے مطابق الزام تراشی سے افغان سرزمین کا پاکستان کے خلاف استعمال ہونے کی حقیقت کو چھپایا نہیں جا سکتا، جبکہ اقوام متحدہ کی سلامتی کونسل اور امریکی لیڈ انسپکٹر جنرل کی 2026ء کی رپورٹ میں واضح کیا گیا ہے کہ طالبان کی سرپرستی میں ٹی ٹی پی کے 4 سے 6 ہزار جنگجو افغان سرزمین سے پاکستان پر حملے کر رہے ہیں۔ ترجمان نے واضح کیا کہ بارڈر پر دراندازی، افغان شہریوں کی ہلاکتیں اور غیر ملکی اسلحہ کا ملنا سنگین خدشات ہیں؛ پاکستان اپنے شہریوں کی حفاظت کے لیے دفاعی اقدامات جاری رکھے گا تاہم باہمی احترام اور قابلِ تصدیق عملی اقدامات کی بنیاد پر ذمہ دارانہ بات چیت کے لیے بھی تیار ہے۔