’اسپائیڈر مین: برانڈ نیو ڈے‘، ٹام ہالینڈ کی شاندار واپسی، باکس آفس پر سپر ہیرو کا راج برقرار

مارول اور سونی کی نئی سپر ہیرو فلم ‘اسپائیڈر مین: برانڈ نیو ڈے’ نے ریلیز ہوتے ہی عالمی باکس آفس پر کامیابی کا نیا تاریخ ساز ریکارڈ قائم کر دیا ہے۔ ڈیسٹن ڈینیئل کریٹن کی ہدایت کاری میں بننے والی اس فلم نے افتتاحی ہفتے کے اختتام پر دنیا بھر سے تقریباً 927 ملین ڈالر کمائے ہیں، جس میں 355 ملین ڈالر شمالی امریکہ اور 572 ملین ڈالر بین الاقوامی مارکیٹوں سے حاصل ہوئے، جو ‘ایوینجرز: اینڈ گیم’ کے بعد عالمی تاریخ کی دوسری بڑی اوپننگ ہے۔ دوسری جانب فلم نے بھارت میں بھی صرف 04 دنوں کے اندر 306.37 کروڑ روپے کا بزنس کرتے ہوئے باکس آفس سونامی برپا کر دیا ہے۔ فلم میں ٹام ہالینڈ کے ساتھ زینڈایا، سیڈی سنک، اور جیکب بیٹلون نے اہم کردار ادا کیے ہیں۔ اسی دوران ٹام ہالینڈ نے ‘ہیپی سیڈ کنفیوزڈ’ پوڈکاسٹ میں اشارہ دیا ہے کہ یہ ممکنہ طور پر اسپائیڈر مین کے روپ میں ان کی آخری فلم ہو سکتی ہے، جس کے بعد وہ اس کردار کی منتقلی کسی نئے اداکار کو سونپنا چاہتے ہیں۔