‘ٹوٹل اکلپس آف دی ہارٹ’ کی شہرت یافتہ برطانوی راک اسٹار بونی ٹائلر 75 برس کی عمر میں چل بسیں

‘ٹوٹل اکلپس آف دی ہارٹ’ (Total Eclipse of the Heart) جیسے شہرہ آفاق گانوں سے دنیا بھر میں کروڑوں دلوں پر راج کرنے والی معروف ویلش گلوکارہ بونی ٹائلر (جن کا اصل نام گینور ہاپکنز تھا) 75 برس کی عمر میں انتقال کر گئیں۔ رواں سال مئی میں پرتگال میں آنتوں کی ہنگامی سرجری کے بعد وہ کومہ میں چلی گئی تھیں، اور اگرچہ وہ کومہ سے باہر آ گئی تھیں لیکن انتہائی نگہداشت کے وارڈ (آئی سی یو) میں زندگی کی جنگ ہار گئیں۔ اپنی منفرد، بھاری اور کھرکری آواز کی وجہ سے ‘فیمیل راڈ اسٹیورٹ’ کہلانے والی بونی ٹائلر نے اپنے 50 سالہ میوزک کیریئر میں کئی سپر ہٹ گانے دیے۔ وہ امریکا میں نمبر ون پوزیشن حاصل کرنے والی پہلی اور واحد ویلش گلوکارہ تھیں۔ انہوں نے 2013 میں یوروویژن میں برطانیہ کی نمائندگی کی جبکہ موسیقی کے شعبے میں گراں قدر خدمات پر انہیں 2023 میں برطانوی شاہی خاندان کی جانب سے ایم بی ای (MBE) کے اعزاز سے بھی نوازا گیا۔