ایلون مسک کی اے آئی فلم ’اوڈیسی‘ کی پہلی قسط جاری، مکمل فلم 2026 میں بنانے کا منصوبہ
Web Desk
27 October 2026
معروف امریکی کاروباری شخصیت اور ٹیکنالوجی ٹائیکون ایلون مسک نے یونانی شاعر ہومر کی مشہور رزمیہ تخلیق ’اوڈیسی‘ (Odyssey) سے متاثر ہو کر مصنوعی ذہانت (AI) کی مدد سے تیار کردہ اپنی نئی فلم کی پہلی قسط جاری کر دی ہے۔
سات منٹ سے زائد دورانیے کی اس وڈیو کے ذریعے ایلون مسک نے اپنے اے آئی فلم سازی کے نئے منصوبے کی پہلی جھلک دنیا کے سامنے پیش کی ہے اور سوشل میڈیا صارفین سے اس پر آرا طلب کی ہیں۔ ایلون مسک نے سماجی رابطے کے پلیٹ فارم ’ایکس‘ پر بتایا کہ اس پروجیکٹ میں ان کی کمپنی کے مصنوعی ذہانت کے جدید نظام ’گروک امیجن‘ (Grok Imagine) کے ساتھ ساتھ ‘ونڈر اسٹوڈیوز’ اور ہدایت کار ‘دیو واکر’ کی خدمات حاصل کی گئی ہیں۔ مسک اس سے قبل اعلان کر چکے ہیں کہ وہ 2026 کے اختتام سے پہلے مصنوعی ذہانت کی مدد سے ایک مکمل فلم تیار کریں گے، جس میں تاریخی حقائق اور ہومر کی اصل تخلیق کے ساتھ بھرپور مطابقت برقرار رکھی جائے گی، تاہم باقی اقساط کی ریلیز کے حوالے سے تاحال کوئی حتمی تاریخ سامنے نہیں آئی۔
واضح رہے کہ ایلون مسک اس سے قبل معروف ہدایت کار کرسٹوفر نولان کی فلم میں ‘اوڈیسی’ کے کرداروں کی کاسٹنگ پر بھی سخت تنقید کر چکے ہیں، جن میں اداکارہ لوپیتا نیونگو کو ‘ہیلن آف ٹرائے’ اور ایلیٹ پیج کو ‘سینون’ کے کردار میں کاسٹ کرنا شامل تھا۔ مسک کا مؤقف تھا کہ روایتی داستانوں میں ہیلن آف ٹرائے کو غیر معمولی حسن کی حامل خاتون کے طور پر پیش کیا گیا ہے، اور یہی خوبصورتی ٹروجن جنگ کے پس منظر میں مرکزی حیثیت رکھتی ہے۔ اس پس منظر میں ایلون مسک کا اپنا یہ اے آئی فلمی منصوبہ اس امر کو اجاگر کر رہا ہے کہ مصنوعی ذہانت مستقبل میں فلم سازی اور تخلیقی صنعتوں کو کس حد تک تبدیل کرنے کی صلاحیت رکھتی ہے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026