کراچی: ایران امریکا مذاکرات میں غیر یقینی اور خام تیل کی قیمتوں میں دوبارہ اضافے کے خدشات

پاکستان اسٹاک ایکسچینج (PSX) میں کاروباری ہفتے کا اختتام شدید مندی کے ساتھ ہوا ہے، جس کی بنیادی وجہ ایران اور امریکہ کے مابین مذاکرات کے حوالے سے مارکیٹ میں پائے جانے والے غیر یقینی حالات اور عالمی مارکیٹ میں خام تیل کی قیمتوں میں ممکنہ اضافے کے خدشات بنے ہیں۔ ان ملکی و بین الاقوامی محرکات کے باعث انویسٹرز نے محتاط رویہ اپنایا، جس سے انڈیکس 180,000 کی نفسیاتی حد برقرار نہ رکھ سکا۔

انڈیکس کی صورتحال اور اتار چڑھاؤ مارکیٹ میں فروخت کے دباؤ کے باعث کے ایس ای (KSE) 100 انڈیکس 450 پوائنٹس کی نمایاں کمی کے ساتھ 178,471 کی سطح پر بند ہوا۔کاروبار کے دوران ایک موقع پر مارکیٹ میں تیزی دیکھی گئی اور انڈیکس 180,507 پوائنٹس کی یومیہ بلند ترین سطح کو چھو گیا تھا۔مندی کے غلبے کے دوران انڈیکس گر کر 178,337 پوائنٹس کی یومیہ کم ترین سطح تک بھی آگیا تھا۔ دن بھر مارکیٹ میں مجموعی طور پر 80 کروڑ 75 لاکھ شیئرز کے سودے ہوئے، جو سرمایہ کاروں کی فعال شرکت کو ظاہر کرتے ہیں۔ مارکیٹ میں ہونے والے ان سودوں کی کل مالیاتی مالیت 36 ارب 18 کروڑ روپے ریکارڈ کی گئی۔

مارکیٹ میں مجموعی طور پر 564 کمپنیوں کے حصص کا کاروبار ہوا، جن کا تناسب درج ذیل جدول سے واضح ہےجن کے شیئرز کی قیمتوں میں کمی ہوئی 240
جن کے شیئرز کی قیمتوں میں اضافہ ہوا 214
جن کے شیئرز کی قیمتیں مستحکم رہیں 110