ایران سفارت کاری کے ذریعے حل کیلئے ثالثوں سے قریبی رابطے میں ہے، عباس عراقچی

ایران کے وزیر خارجہ عباس عراقچی نے تصدیق کی ہے کہ ایران خطے کے تنازعات کو سفارتی ذرائع اور پُرامن مذاکرات کے ذریعے حل کرنے کے لیے مختلف عالمی ثالثوں کے ساتھ انتہائی قریبی رابطے میں ہے۔

سماجی رابطے کے پلیٹ فارم ‘ایکس’ پر جاری اپنے ایک بیان میں ایرانی وزیر خارجہ عباس عراقچی نے لکھا کہ ایران سفارت کاری کو کامیاب ہونے کا ایک اور موقع فراہم کر رہا ہے۔ انہوں نے مزید کہا کہ ایران کے پیش کردہ 7 روزہ منصوبے پر اس کی مقررہ مدت مکمل ہونے سے پہلے ہی عملدرآمد کرنے کی تمام تر کوششیں جاری ہیں، تاہم ساتھ ہی انہوں نے یہ انتباہ بھی کیا کہ ایران کی بہادر اور مستعد مسلح افواج ملکی سرحدوں اور وطن کے دفاع کے لیے ہر وقت اور ہر لحاظ سے مکمل طور پر تیار ہیں۔