ایمان مزاری اور ہادی علی چٹھہ کیخلاف کیس کا فیصلہ آج سنایا جائے گا

انسداد دہشت گردی عدالت (اے ٹی سی) آج راولپنڈی کی اڈیالہ جیل میں وکیل ایمان مزاری اور ہادی علی چٹھہ کے خلاف سیکیورٹی بیریئر ہٹانے اور کارِ سرکار میں مداخلت کے مقدمے کا اہم فیصلہ سنائے گی۔

عدالتی ذرائع کے مطابق فیصلہ صادر کرنے سے قبل ملزمان ایمان مزاری اور ہادی علی چٹھہ کی جانب سے مقدمے میں حتمی بحث کیے جانے کا امکان ہے۔ اس سلسلے میں دونوں ملزمان کے دفاعی وکلا ایمل خان مندوخیل اور سینئر سیاستدان شیریں مزاری اڈیالہ جیل کے لیے روانہ ہو چکے ہیں، جب کہ دوسری جانب ریاست کی نمائندگی کرنے والے سرکاری وکیل راجہ نوید حسین اور عدالت کا دیگر عملہ بھی قانونی کارروائی اور فیصلہ سنانے کے لیے جیل پہنچ رہا ہے۔