صحیفہ جبار نے لباس پر تنقید کرنے والوں کو حیران کن جواب دے دیا

پاکستانی اداکارہ و ماڈل صحیفہ جبار خٹک نے حالیہ فیشن ایونٹ میں پہنے گئے لباس پر ہونے والی آن لائن تنقید کا جواب منفرد انداز میں دیا ہے۔ خاموش رہنے کے بجائے اداکارہ نے سوشل میڈیا پر منی اسکرٹ میں اپنی مختلف تصاویر کی ایک سیریز شیئر کی، جس میں کیژول، بلیک اینڈ وائٹ اور جم ویئر شامل تھے۔ انہوں نے اپنی پوسٹ کے ساتھ طنزیہ کیپشن “Don’t ruin my leg day, bro” بھی تحریر کیا، جس نے مداحوں کی بھرپور توجہ حاصل کر لی۔ ڈرامہ ‘بھول’ اور ‘بیٹی’ سے شہرت پانے والی صحیفہ جبار اپنے بے باک انداز اور ذاتی رائے کے اظہار کے باعث اکثر خبروں میں رہتی ہیں۔ اس حالیہ پوسٹ کے بعد سوشل میڈیا پر ایک نئی بحث چھڑ گئی ہے، جہاں صارفین کی جانب سے ملے جلے ردعمل کا اظہار کیا جا رہا ہے۔