یوسف رضا گیلانی ،چیئرمین پی سی بی محسن نقوی کی ارشد ندیم کو مبارک باد

قائم مقام صدر یوسف رضا گیلانی ، چیئرمین پی سی بی محسن نقوی نے ارشد ندیم کو اسلامی یکجہتی گیمز میں شاندار کامیابی پر مبارک باد دی ہے۔

قائم مقام صدر نے اپنے پیغام میں ارشد ندیم کی جیت پرکوچ اور فیملی کو مبارکباد پیش کرتے ہوئے کہا کہ ارشد ندیم نے ہر پاکستانی کا سر فخر سے بلند کردیا۔ قوم کو پاکستان کے باصلاحیت سپوت پر ناز ہے۔

چیئرمین پی سی بی محسن نقوی نے کہا ’’ویلڈن قومی ہیرو ارشد ندیم‘‘۔ارشد ندیم کی جیت کھیل و امن سے محبت کرنے والے پاکستان کی فتح ہے۔چیئر مین پی سی بی نے کہا کہ ارشد ندیم نے پاکستانی پرچم کو سربلند کرکے قوم کو خوشیاں دیں،ہر پاکستانی خوش ہے ، ارشد ندیم نے سب کے دل جیت لیے ہیں