ایس ای سی پی نے ایل ایس ای وینچرز اور ویلتھ برج مینجمنٹ کو نئے لائسنس جاری کر دیے

سیکیورٹیز اینڈ ایکسچینج کمیشن آف پاکستان (ایس ای سی پی) نے ایل ایس ای وینچرز کو کارپوریٹ ریسٹرکچرنگ کا لائسنس جاری کر دیا ہے، جس کے بعد ملک میں کارپوریٹ ریسٹرکچرنگ کمپنیوں کی تعداد تین ہو گئی ہے۔

کارپوریٹ ریسٹرکچرنگ کمپنیاں مالی مشکلات کا شکار کمپنیوں کی بحالی میں مدد فراہم کرتی ہیں، اور ایس ای سی پی نے اس کے لیے جامع فریم ورک تشکیل دیا ہے جو دیوالیہ کمپنیوں کے قرضوں کی ری شیڈولنگ کا طریقہ فراہم کرتا ہے۔

اسی طرح، ایس ای سی پی نے ویلتھ برج مینجمنٹ کو ڈیجیٹل انویسٹمنٹ ایڈوائزری کا لائسنس بھی جاری کیا ہے۔ ویلتھ برج مینجمنٹ پاکستان کی پہلی ڈیجیٹل انویسٹمنٹ ایڈوائزری ہے جو سرمایہ کاروں کو ڈیجیٹل پلیٹ فارمز کے بارے میں مشاورت فراہم کرے گی۔