پاکستان سٹاک ایکسچینج میں مثبت آغاز، انڈیکس دو ہزار پوائنٹس بڑھ گیا

پاکستان سٹاک ایکسچینج میں کاروباری ہفتے کے تیسرے روز ٹریڈنگ کا آغاز مثبت زون سے ہوا ہے۔

کاروبار کے آغاز پر سٹاک ایکسچینج میں زبردست تیزی دیکھنے میں آئی اور 100 انڈیکس تقریباً 2 ہزار پوائنٹس اضافے کے ساتھ ایک لاکھ 58 ہزار 200 کی سطح پر ٹریڈ کرتا رہا۔

یاد رہے کہ گزشتہ روز بھی کاروبار کے آغاز میں مارکیٹ میں نمایاں تیزی دیکھی گئی تھی، جب 100 انڈیکس 11 ہزار سے زائد پوائنٹس اضافے کے ساتھ ایک لاکھ 58 ہزار 354 پوائنٹس کی سطح تک پہنچ گیا تھا۔

دوسری جانب ایشیا کی سٹاک مارکیٹس میں بھی ملا جلا رجحان دیکھنے میں آ رہا ہے۔

خبر ایجنسی کے مطابق جاپان کی سٹاک مارکیٹ کے نکی انڈیکس میں تقریباً 2 فیصد اضافہ ریکارڈ کیا گیا، جبکہ جنوبی کوریا کے کوسپی انڈیکس میں بھی تقریباً ڈھائی فیصد اضافہ ہوا ہے۔

اسی طرح تائیوان کی سٹاک مارکیٹ میں معمولی اضافہ جبکہ ہانگ کانگ کے ہینگ سینگ انڈیکس میں بھی ایک فیصد تک بہتری دیکھی گئی ہے