نادیہ جمیل کو شاہ رخ خان کے ساتھ کون سی بلاک بسٹر فلم کی آفر ہوئی؟

پاکستان کی معروف اداکارہ اور سماجی کارکن Nadia Jamil نے انکشاف کیا ہے کہ انہیں بالی ووڈ کی مشہور فلم Veer-Zaara میں کام کی پیشکش ہوئی تھی مگر انہوں نے اپنے نومولود بیٹے کی خاطر اس موقع کو قبول نہیں کیا۔

حال ہی میں ایک نجی ٹی وی کی رمضان نشریات میں خواتین کے عالمی دن کے موقع پر گفتگو کرتے ہوئے نادیہ جمیل نے بتایا کہ اس وقت فلم کے ہدایتکار Yash Chopra کے ساتھ ان کی بات چیت تقریباً مکمل ہو چکی تھی اور فلم میں ان کا کردار بھی تقریباً طے ہو چکا تھا۔

اداکارہ کے مطابق جب اس فلم کے حوالے سے بات چیت شروع ہوئی تو ان کی شادی ہو چکی تھی، تاہم جب فلم کی شوٹنگ کا وقت آیا تو ان کے بڑے بیٹے راقب کی پیدائش ہو چکی تھی اور وہ اس وقت صرف تین ماہ کا تھا۔

نادیہ جمیل نے بتایا کہ ان کے سسرال والوں نے انہیں بھرپور تعاون کی پیشکش کی اور ان کی والدہ بھی فلم کی شوٹنگ کے لیے ان کے ساتھ جانے کو تیار تھیں، مگر انہوں نے فیصلہ کیا کہ وہ اپنے بیٹے کے ساتھ زیادہ سے زیادہ وقت گزاریں گی۔

ان کا کہنا تھا کہ یش چوپڑا نے انہیں کہا کہ وہ اس فیصلے سے اپنا کیریئر متاثر کر رہی ہیں، تاہم ان کے لیے ماں بننے کا تجربہ اور اپنے بچے کے ساتھ وقت گزارنا کیریئر سے زیادہ اہم تھا۔