امریکا کو آبنائے ہرمز کھولنے اور مذاکرات کیلئے شرائط پوری کرنی ہونگی: ایران کا دو ٹوک مؤقف

ایران نے امریکہ کو واضح پیغام دیتے ہوئے کہا ہے کہ آبنائے ہرمز (Strait of Hormuz) کو کھولنے اور باقاعدہ سفارتی مذاکرات کی بحالی کے لیے واشنگٹن کو تہران کی تمام پیش کردہ شرائط ہر صورت پوری کرنا ہوں گی۔

ایران کے وزیرِ خارجہ عباس عراقچی نے اپنے ایک بیان میں کہا کہ ایران کا مؤقف بالکل واضح اور یکسو ہے، اور امریکہ کی سنجیدگی کا اندازہ اسی بات سے لگایا جائے گا کہ وہ ایران کی شرائط پر کس حد تک عمل درآمد کرتا ہے۔ انہوں نے خدشہ ظاہر کیا کہ فی الحال امریکہ کے ساتھ مذاکراتی عمل میں پیشرفت کی توقع بہت کم ہے کیونکہ ایران کو امن سے متعلق امریکی دعوؤں اور وعدوں پر بالکل بھی اعتماد نہیں رہا۔

دوسری جانب ایرانی وزیرِ دفاع مہرداد اخلاقی نے دوٹوک انداز میں کہا کہ “ہم مٹی کھا لیں گے لیکن اپنی سرزمین کا ایک انچ بھی نہیں چھوڑیں گے”۔ انہوں نے مزید بتایا کہ ایران اس وقت جدید ٹیکنالوجی کا استعمال کرتے ہوئے دشمن کے اہداف کو درستگی سے نشانہ بنانے پر توجہ مرکوز کیے ہوئے ہے اور ایران کو درپیش تمام سیکیورٹی خطرات کا جواب محض بیانات سے نہیں بلکہ بھرپور دفاعی تیاری اور طاقت کے ذریعے دیا جائے گا۔