امریکا اوراسرائیل کا وسط مدتی انتخابات کے بعد ایران پر شدید حملے کا منصوبہ
Web Desk
22 October 2026
امریکی اخبار ‘نیویارک ٹائمز’ کی ایک تہلکہ خیز رپورٹ کے مطابق امریکہ اور اسرائیل ایران پر ایک بار پھر حملوں کی تیاریوں میں مصروف ہیں، اور امریکی وسط مدتی انتخابات (Midterm Elections) کے فوراً بعد ایران کے خلاف ایک مختصر مگر شدید فوجی کارروائی کے منصوبے پر عملی کام جاری ہے۔
رپورٹ کے مطابق ایران کی اہم توانائی تنصیبات، جوہری مراکز، اور میزائل و ڈرون کے ذخائر ان ممکنہ حملوں کے بنیادی اہداف میں شامل ہو سکتے ہیں۔ امریکی فوج کے مشرقِ وسطیٰ میں موجود تمام عسکری اثاثے نومبر کے آغاز تک مکمل طور پر تیار ہونے کا امکان ہے۔ امریکی وزیرِ دفاع (سکریٹری آف ڈیفنس) پیٹ ہیگستھ نے اسرائیلی وزیراعظم بنجمن نیتن یاہو سے ملاقات کے دوران اس نئے فوجی آپریشن پر تفصیلی بات چیت کی ہے، جبکہ دونوں ممالک کی فضائی افواج ممکنہ حملوں کی پیشگی تیاری کے سلسلے میں عراق کی فضائی حدود میں مشترکہ عسکری مشقیں بھی کر رہی ہیں۔
امریکی حکام نے خدشہ ظاہر کیا ہے کہ ان نئے حملوں سے ایران کی معیشت کو شدید نقصان پہنچے گا، تاہم متعدد ماہرین کو ان کارروائیوں سے مطلوبہ سیاسی و عسکری نتائج حاصل ہونے پر شکوک و شبہات بھی ہیں۔ قبل ازیں ہونے والے حملوں کی وجہ سے عالمی منڈی میں خام تیل کی قیمتوں میں اضافہ ہوا اور بین الاقوامی سطح پر مہنگائی کا نیا طوفان آیا تھا۔ تاہم امریکی حکام کا یہ بھی کہنا ہے کہ صدر ڈونلڈ ٹرمپ نے فی الوقت اس حملے کی حتمی منظوری نہیں دی، جس کی بنا پر اس فوجی آپریشن کا حتمی فیصلہ ہنوز یقینی نہیں ہے۔
متعلقہ عنوانات
خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری
22 November 2026
وزیراعظم شہبازشریف 30 نومبر سے روس کا 3 روزہ سرکاری دورہ کریں گے
22 November 2026
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک
22 November 2026
میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد
22 November 2026
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026