سانگھڑ: آوارہ کتے کے کاٹنے سے 8 سالہ بچی ریبیز کی شکار، کراچی میں انتقال

ضلع سانگھڑ کے علاقے کھول میں آوارہ کتے کے کاٹنے سے متاثرہ 8 سالہ بچی میں ریبیز کی تصدیق ہوئی، جو بعد میں کراچی کے انڈس اسپتال میں انتقال کر گئی۔ اسپتال حکام کے مطابق بچی میں ہائیڈروفوبیا اور ایروفوبیا کی علامات پائی گئیں۔

متاثرہ بچی کو انڈس اسپتال کراچی منتقل کر کے پینل ایٹیو کیئر میں رکھا گیا تھا۔ اسپتال کے مطابق کھول کے اسپتال میں ریبیز کی ویکسین درست انداز میں نہیں لگائی گئی تھی۔

ماہرین نے بتایا کہ کتے کے کاٹنے کے نتیجے میں زخم کو فوری دھونا اور مکمل ویکسین لگانا ناگزیر ہے۔ رواں ماہ صرف سانگھڑ میں 3000 سے زائد کیسز رپورٹ ہو چکے ہیں۔ گزشتہ سال سندھ میں ریبیز کے باعث 21 افراد جان کی بازی ہار چکے تھے، اور 2025 میں سندھ بھر میں 60 ہزار سے زائد سگ گزیدگی کے کیسز رپورٹ ہوئے۔