سابق آرمی چیف جنرل (ر) عبدالوحید کاکڑ انتقال کر گئے

پاک فوج کے شعبہ تعلقات عامہ (آئی ایس پی آر) کے مطابق سابق آرمی چیف جنرل (ر) عبدالوحید کاکڑ (نشانِ امتیاز ملٹری، ہلالِ جرات) راولپنڈی میں انتقال کر گئے ہیں۔ فیلڈ مارشل عاصم منیر اور پاک فوج کے تمام رینکس نے سابق سپہ سالار کی وفات پر گہرے دکھ اور افسوس کا اظہار کرتے ہوئے ان کی نمایاں عسکری خدمات، قیادت اور پاک فوج کے لیے گراں قدر کاوشوں کو شاندار الفاظ میں خراجِ تحسین پیش کیا۔ آئی ایس پی آر نے اپنے بیان میں غمزدہ خاندان کے ساتھ دلی تعزیت اور ہمدردی کا اظہار کیا ہے۔