پاکستان سٹاک ایکسچینج میں کاروبار کا منفی زون میں آغاز

پاکستان سٹاک ایکسچینج میں منفی رجحان کا سلسلہ جاری ہے، جہاں نئے کاروباری ہفتے کے پہلے ہی روز مارکیٹ کا آغاز شدید مندی کے ساتھ ہوا ہے۔ کاروبار کے دوران ہنڈرڈ انڈیکس میں 1000 سے زائد پوائنٹس کی بڑی کمی ریکارڈ کی گئی، جس کے باعث انڈیکس کم ہو کر 1 لاکھ 61 ہزار 250 پوائنٹس کی سطح پر آ گیا۔ واضح رہے کہ گزشتہ کاروباری ہفتے کے آخری روز بھی مارکیٹ میں مندی دیکھی گئی تھی اور 100 انڈیکس 1549 پوائنٹس کے نقصان کے ساتھ 1 لاکھ 62 ہزار 374 پوائنٹس کی سطح پر بند ہوا تھا۔