پاکستان اور ایتھوپیا کا تجارت، سرمایہ کاری اور اقتصادی تعاون بڑھانے پر اتفاق

وفاقی وزیرِ خزانہ سینیٹر محمد اورنگزیب سے ایتھوپیا کے سفیر ڈاکٹر عمر حسین اوبا نے ملاقات کی، جس میں دونوں ممالک کے درمیان تجارت، سرمایہ کاری اور اقتصادی و مالیاتی تعاون بڑھانے کے عزم کا اعادہ کیا گیا۔ ملاقات کے دوران وزیرِ خزانہ نے سفیر کو پاکستان میں جاری معاشی اصلاحات پر بریفنگ دی، جبکہ دونوں رہنماؤں نے بینکاری اور فضائی رابطوں سمیت عوامی روابط کو مضبوط بنانے پر زور دیا۔ اعلامیے کے مطابق گفتگو میں علاقائی تنازعات کے نتیجے میں توانائی، کھاد کی فراہمی اور غذائی تحفظ پر مرتب ہونے والے اثرات اور بیرونی معاشی دھچکوں سے نمٹنے کے لیے باہمی تعاون کی اہمیت پر بھی تبادلہ خیال کیا گیا۔