پاکستان اسٹاک ایکسچینج میں کاروباری ہفتے کے دوران منفی رجحان

کراچی: پاکستان اسٹاک ایکسچینج میں اس کاروباری ہفتے کے دوران منفی رجحان برقرار رہا۔
ہنڈرڈ انڈیکس ہفتہ بھر میں 2038 پوائنٹس کی کمی کے ساتھ 159,592 پوائنٹس پر بند ہوا۔

پورے ہفتے کے دوران انڈیکس نے 5682 پوائنٹس کے بینڈ میں کاروبار کیا، جب کہ انڈیکس کی بلند ترین سطح 163,935 اور کم ترین سطح 158,252 ریکارڈ کی گئی۔

مارکیٹ میں ایک ہفتے کے دوران180.9 ارب روپے مالیت کے4.43 ارب شیئرز کے سودے ہوئے۔

تجزیہ کاروں کے مطابق مقامی سیاسی و معاشی عوامل اور بین الاقوامی مارکیٹ کے رجحانات نے سرمایہ کاروں کے اعتماد کو متاثر کیا، جس کے نتیجے میں منفی ٹریڈنگ دیکھی گئی۔