گولڈن گلوب ایوارڈز کا میلہ فلم ہیمنٹ اور 16 سالہ اوون نے لوٹ لیا

لاس اینجلس میں گولڈن گلوب ایوارڈز کی شاندار تقریب منعقد ہوئی جس میں ہالی وُڈ کے شوبز ستاروں نے بھرپور شرکت کی۔ مختلف کیٹیگریز میں بہترین کام کرنے والے فنکاروں اور سیریز کے فاتحین کے ناموں کا اعلان کیا گیا۔

فلمی کیٹیگری میں ’ہیمنٹ‘ کو بہترین فلم کا ایوارڈ دیا گیا، جبکہ ڈرامہ فلم ’دی سیکریٹ ایجنٹ‘ میں ویگنر مورا کو بہترین اداکار اور جیسی بکلی کو بہترین اداکارہ کا اعزاز ملا۔ ٹیلی ویژن کیٹیگری میں ڈراما سیریز ’دی پٹ‘ کو سال کی بہترین سیریل قرار دیا گیا، جبکہ کم عمر اداکار اوون کوپر نے سیریز ’ایڈولیسنس‘ میں جیمی ملر کے کردار پر بہترین کارکردگی کے لیے ایوارڈ حاصل کیا۔

16 سالہ اوون کوپر نے ایوارڈ وصول کرنے کے بعد مداحوں کا شکریہ ادا کیا اور کہا کہ یہ لمحہ واقعی خواب جیسا ہے۔ گولڈن گلوب ہالی وُڈ میں معیار اور پہچان کی علامت ہے اور اسے ہالی وُڈ فارن پریس ایسوسی ایشن کے ارکان ہر سال جنوری میں منتخب کرتے ہیں۔